၁. ရာဇာဂါရသိက္ခာပဒဝဏ္ဏနာ

ကီဠနစိတ္တသာလန္တိ န ရညောဝ ကီဠနစိတ္တသာလံ၊ အထ ခေါ ယေသံ ကေသဉ္စိ မနုဿာနံ ကီဠနတ္ထံ ယတ္ထ ကတ္ထစိ ကတသာလံ. ဧသ နယော ‘‘ကီဠနဥပဝန’’န္တိအာဒီသုပိ. ယထာဟ ‘‘ရာဇာဂါရံ နာမ ယတ္ထ ကတ္ထစိ ရညော ကီဠိတုံ ရမိတုံ ကတံ ဟောတီ’’တိအာဒိကော (ပါစိ. ၉၇၉) ဝိတ္ထာရော. တတ္ထ ကီဠနဥပဝနန္တိ ကီဠနတ္ထံ အန္တောနဂရေ ကတံ အာရာမံ. ကီဠနုယျာနန္တိ တထေဝ ဗဟိနဂရေ ကတံ ဥယျာနံ.

ရာဇာဂါရသိက္ခာပဒဝဏ္ဏနာ နိဋ္ဌိတာ.