၇၅. ဥဒကေဥစ္စာရသိက္ခာပဒဝဏ္ဏနာ

ပကိဏ္ဏကန္တိ ဝေါမိဿကနယံ. သစိတ္တကန္တိ (သာရတ္ထ. ဋီ. ပါစိတ္တိယ ၃.၅၇၆) ဝတ္ထုဝိဇာနနစိတ္တေန၊ ပဏ္ဏတ္တိဝိဇာနနစိတ္တေန စ သစိတ္တကံ. ‘‘အနာဒရိယံ ပဋိစ္စာ’’တိ (ပါစိ. ၆၅၄) ဝုတ္တတ္တာ ယသ္မာ အနာဒရိယဝသေနေဝ အာပဇ္ဇိတဗ္ဗတော ဣဒံ သဗ္ဗံ ကေဝလံ အကုသလမေဝ၊ တဉ္စ ပကတိယာ ဝဇ္ဇံ၊ သဉ္စိစ္စ ဝီတိက္ကမနဉ္စ ဒေါမနဿိကဿေဝ ဟောတိ၊ တသ္မာ ‘‘လောကဝဇ္ဇံ အကုသလစိတ္တံ ဒုက္ခဝေဒန’’န္တိ ဝုတ္တံ. သေသေသုပိ ဧသေဝ နယော.

ဧကူနဝီသတိဓမ္မဒေသနာပဋိသံယုတ္တသိက္ခာပဒဝဏ္ဏနာ နိဋ္ဌိတာ.

ဣတိ ကင်္ခါဝိတရဏိယာ ပါတိမောက္ခဝဏ္ဏနာယ

ဝိနယတ္ထမဉ္ဇူသာယံ လီနတ္ထပ္ပကာသနိယံ

သေခိယဝဏ္ဏနာ နိဋ္ဌိတာ.