၈. အဋ္ဌမဝဂ္ဂဝဏ္ဏနာ

ပဌမဒုတိယတတိယေသု ‘‘ဂိဟိဂတာ’’တိ ဝါ ‘‘ကုမာရိဘူတာ’’တိ ဝါ န ဝတ္တဗ္ဗာ. ဝဒန္တိ စေ၊ ကမ္မံ ကုပ္ပတိ.

ဧကာဒသမေ ဆန္ဒံ အဝိဿဇ္ဇေတွာတိ ‘‘ယထာသုခ’’န္တိ အဝတွာ. ဧတ္ထ ပန အယံ ဝိနိစ္ဆယော – ‘‘ပါရိဝါသိကဆန္ဒဒါနေနာ’’တိ ဣဒံ ဥဒ္ဓရိတွာ ‘‘ဝုဋ္ဌိတာယ ပရိသာယာ’’တိ (ပါစိ. ၁၁၆၈) ပဒဘာဇနံ ဝုတ္တံ. ဧတဿ ပန သမန္တပါသာဒိကာယံ ‘‘ဝုဋ္ဌိတာယ ပရိသာယာတိ ဆန္ဒံ ဝိဿဇ္ဇေတွာ ကာယေန ဝါ ဝါစာယ ဝါ ဆန္ဒဝိဿဇ္ဇနမတ္တေန ဝါ ဝုဋ္ဌိတာယာ’’တိ (ပါစိ. အဋ္ဌ. ၁၁၆၇) ဝုတ္တံ. ဣဓ ဆန္ဒဿ ပန အဝိဿဋ္ဌတ္တာ ကမ္မံ ကာတုံ ဝဋ္ဋတီတိ ဝုတ္တံ. တသ္မာ ဆန္ဒံ အဝိဿဇ္ဇေတွာဝ ဒွါဒသဟတ္ထပါသေ ဝိဟရိတွာ ပုန သန္နိပါတကရဏဉ္စ ဝဋ္ဋတီတိ လိခိတံ.

အဋ္ဌမဝဂ္ဂဝဏ္ဏနာ နိဋ္ဌိတာ.