နအတ္တပညတ္တိဝဏ္ဏနာ

၁၁၉. အာရဒ္ဓဝိပဿကောပီတိ သမ္ပရာယိကဝိပဿကောပိ၊ တေန ဗလဝဝိပဿနာယ ဌိတံ ပုဂ္ဂလံ ဒဿေတိ. န ပညပေတိ ဧဝ အဗဟုဿုတော ပီတိ အဓိပ္ပါယော. တာဒိသော ဟိ ဝိပဿနာယ အာနုဘာဝေါ. သာသနိကောပိ ဈာနာဘိညာလာဘီ ‘‘န ပညပေတီ’’တိ န ဝတ္တဗ္ဗောတိ သော ဣဓ န ဥဒ္ဓဋော. ဣဒါနိ နေသံ အပညာပနေ ကာရဏံ ဒဿေတိ ‘‘ဧတေသဉှီ’’တိအာဒိနာ. ဣစ္စေဝ ဉာဏံ ဟောတိ၊ န ဝိပရီတဂ္ဂါဟော တဿ ကာရဏဿ ဒူရသမုဿာရိတတ္တာ. အရူပက္ခန္ဓာ ဣစ္စေဝ ဉာဏံ ဟောတီတိ ယောဇနာ.