၇. အဘိညေယျာဒိဝါရဝဏ္ဏနာ

၁၀၃၀. ‘‘ရုပ္ပနလက္ခဏံ ရူပံ၊ အနုဘဝနလက္ခဏာ ဝေဒနာ’’တိအာဒိနာ သာမညလက္ခဏပရိဂ္ဂါဟိကာ. ‘‘ဖုသနလက္ခဏော ဖဿော၊ သာတလက္ခဏံ သုခ’’န္တိအာဒိနာ ဝိသေသလက္ခဏပရိဂ္ဂါဟိကာ.

‘‘စတ္တာရော ခန္ဓာ သိယာ ကုသလာ’’တိအာဒီသု ဣဓ ယံ ဝတ္တဗ္ဗံ၊ တံ ခန္ဓဝိဘင်္ဂါဒီသု ဝုတ္တံ၊ တသ္မာ တတ္ထ ဝုတ္တနယေနေဝ ဂဟေတဗ္ဗန္တိ အဓိပ္ပါယော. သေသံ ယဒေတ္ထ န ဝုတ္တံ၊ တံ သုဝိညေယျမေဝါတိ.

အဘိညေယျာဒိဝါရဝဏ္ဏနာ နိဋ္ဌိတာ.

ဓမ္မဟဒယဝိဘင်္ဂဝဏ္ဏနာ နိဋ္ဌိတာ.

ဣတိ သမ္မောဟဝိနောဒနိယာ ဋီကာယ လီနတ္ထဝဏ္ဏနာ

ဝိဘင်္ဂ-အနုဋီကာ သမတ္တာ.