၉-၁၀. ဝဏိဇ္ဇသုတ္တာဒိဝဏ္ဏနာ

၇၉-၈၀. နဝမေ တံသဒိသာတိ ယာဒိသာ ဝဏိဇ္ဇာ ပယုတ္တာ အယထာဓိပ္ပါယာ အညာ ဝါ သမ္ပဇ္ဇတိ၊ တာဒိသာဝါတိ အတ္ထော. ဆေဒံ ဂစ္ဆတီတိ ဝိနာသံ ပါပုဏာတိ. အဓိပ္ပါယတော ပရာ ဝိသိဋ္ဌာတိ ပရာဓိပ္ပါယော. တေနေဝါဟ ‘‘အဇ္ဈာသယတော အဓိကတရဖလာ ဟောတီ’’တိ. စီဝရာဒိနာ ပစ္စယေန ဝဒေယျာသီတိ စီဝရာဒိပစ္စယဟေတု မံ ဝဒေယျာသိ ပတ္ထေယျာသိ. အထ ဝါ ယဒါ စီဝရာဒိနာ ပစ္စယေန အတ္ထော ဟောတိ၊ တဒါ မံ ယာစေယျာသီတိ အတ္ထော. သေသံ သုဝိညေယျမေဝ. ဒသမံ ဥတ္တာနမေဝ.

ဝဏိဇ္ဇသုတ္တာဒိဝဏ္ဏနာ နိဋ္ဌိတာ.

အပဏ္ဏကဝဂ္ဂဝဏ္ဏနာ နိဋ္ဌိတာ.