၁၀. ဥပေါသထသုတ္တဝဏ္ဏနာ

၁၉၀. ဒသမေ တုဏှီဘူတံ တုဏှီဘူတန္တိ အာမေဍိတဝစနံ ဗျာပနိစ္ဆာဝသေန ဝုတ္တန္တိ အာဟ ‘‘ယတော ယတော အနုဝိလောကေတီ’’တိ. အနုဝိလောကေတွာတိ ဧတ္ထ အနု-သဒ္ဒေါပိ ဗျာပနိစ္ဆာဝစနမေဝါတိ အနု အနု ဝိလောကေတွာတိ အတ္ထော၊ ပဉ္စပသာဒပ္ပဋိမဏ္ဍိတာနိ အက္ခီနိ ဥမ္မီလေတွာ တတော တတော ဝိလောကေတွာတိ ဝုတ္တံ ဟောတိ. အလန္တိ ယုတ္တံ၊ ဩပါယိကန္တိ အတ္ထော ‘‘အလမေဝ နိဗ္ဗိန္ဒိတု’’န္တိအာဒီသု (ဒီ. နိ. ၂.၂၇၂၊ သံ. နိ. ၂.၁၂၄-၁၂၆) ဝိယ. ပုဋဗန္ဓနေန ပရိဟရိတွာ အသိတဗ္ဗံ ပုဋောသံ သမ္ဗလံ အ-ကာရဿ ဩ-ကာရံ ကတွာ. တေနာဟ ‘‘ပါထေယျ’’န္တိ. သေသမေတ္ထ သုဝိညေယျမေဝ.

ဥပေါသထသုတ္တဝဏ္ဏနာ နိဋ္ဌိတာ.

ဗြာဟ္မဏဝဂ္ဂဝဏ္ဏနာ နိဋ္ဌိတာ.