၃-၄. အညတရဗြာဟ္မဏသုတ္တာဒိဝဏ္ဏနာ

၅၄-၅၅. တတိယေ ယေသံ ရာဂါဒီနံ အပ္ပဟာနေန ပုရိသဿ အတ္တဗျာဗာဓာဒီနံ သမ္ဘဝေါ၊ ပဟာနေန အသမ္ဘဝေါတိ ဧဝံ ရာဂါဒီနံ ပဟာယကော အရိယဓမ္မော မဟာနုဘာဝတာယ မဟာနိသံသတာယ စ သာမံ ပဿိတဗ္ဗောတိ သန္ဒိဋ္ဌိကော. ဣမိနာ နယေန သေသေသု ပဒေသုပိ ယထာရဟံ နီဟရိတွာ ဝတ္တဗ္ဗော. သဒ္ဒတ္ထော ပန ဝိသုဒ္ဓိမဂ္ဂသံဝဏ္ဏနာသု (ဝိသုဒ္ဓိ. မဟာဋီ. ၁.၁၄၇) ဝုတ္တနယေန ဝေဒိတဗ္ဗော. စတုတ္ထံ ဥတ္တာနတ္ထမေဝ.

အညတရဗြာဟ္မဏသုတ္တာဒိဝဏ္ဏနာ နိဋ္ဌိတာ.