၁၁. မဟာစောရသုတ္တဝဏ္ဏနာ

၅၁. ဧကာဒသမေ မဟာဗလဝစောရော မဟာစောရောတိ အာဟ ‘‘မဟန္တော ဗလဝစောရော’’တိ. ဗလဝစောရောတိ စ မဟာထာမတာယ မဟာပရိဝါရတာယ မဟာစောရိယကမ္မသမတ္ထတာယ စ ဝေဒိတဗ္ဗော. မဟတံ ဂါမနိဂမာနံ ဝိလုပ္ပနံ မဟာဝိလောပေါ. တံ တံ ကာရဏံ ပက္ခိပိတွာတိ တံ တံ အကရဏမေဝ ကာရဏံ ကတွာ တပ္ပဋိဗဒ္ဓါယ ကထာယ ပက္ခိပိတွာ. အတ္ထံ ကထယိဿန္တီတိ တဿ တဿ အတ္ထဉ္စ ကထယိဿန္တိ. ဟရန္တာတိ အပနေန္တာ ပရိဟရန္တာ. ဒသဝတ္ထုကာယာတိ ‘‘သဿတော လောကော’’တိ (မ. နိ. ၁.၂၆၉) အာဒိဒသဝတ္ထုသန္နိဿိတာယ. အန္တံ ဂဟေတွာ ဌိတဒိဋ္ဌိယာတိ တမေဝ သဿတာဒိအန္တံ ဂဟေတွာ အဝိဿဇ္ဇေတွာ ဌိတဒိဋ္ဌိယာ.

မဟာစောရသုတ္တဝဏ္ဏနာ နိဋ္ဌိတာ.

စူဠဝဂ္ဂဝဏ္ဏနာ နိဋ္ဌိတာ.

ပဌမပဏ္ဏာသကံ နိဋ္ဌိတံ.