၉. ပဌမပါပဏိကသုတ္တဝဏ္ဏနာ

၁၉. နဝမေ ဥဂ္ဃါဋေတွာတိ အာသနဒွါရဉ္စေဝ ဘဏ္ဍပသိဗ္ဗကေ စ ဝိဝရိတွာ. နာဓိဋ္ဌာတီတိ တံတံကယဝိက္ကယေ အတ္တနာ ဝေါယောဂံ နာပဇ္ဇတိ. ဒိဝါကာလေတိ မဇ္ဈနှိကသမယေ. အဿာမိကော ဟောတိ တီသုပိ ကာလေသု လဒ္ဓဗ္ဗလာဘဿ အလဘနတော. အပတိဝါတာဗာဓံ ရတ္တိဋ္ဌာနံ. ဆာယုဒကသမ္ပန္နံ ဒိဝါဋ္ဌာနံ. ဝိပဿနာပိ ဝဋ္ဋတိ ဝိပဿနာကမ္မိကောယေဝ. တေနပိ ဟိ နဝဓာ ဣန္ဒြိယာနံ တိက္ခတ္တံ အာပါဒေန္တေန သမာဓိနိမိတ္တံ ဂဟေတဗ္ဗံ၊ ဝိပဿနာနိမိတ္တံ သမာဟိတာကာရသလ္လက္ခဏာယ.

ပဌမပါပဏိကသုတ္တဝဏ္ဏနာ နိဋ္ဌိတာ.