၂. ပရိသာသုတ္တဝဏ္ဏနာ

၁၃၅. ဒုတိယေ အပ္ပဋိပုစ္ဆိတွာ ဝိနီတာတိ ‘‘တံ ကိံ မညထ၊ ဘိက္ခဝေ၊ ရူပံ နိစ္စံ ဝါ အနိစ္စံ ဝါ’’တိအာဒိနာ အပ္ပဋိပုစ္ဆိတွာ ကေဝလံ ဓမ္မဒေသနာဝသေနေဝ ဝိနီတပရိသာ. ဒုဗ္ဗိနီတပရိသာတိ ဒုက္ခေန ဝိနီတပရိသာ. ပုစ္ဆိတွာ ဝိနီတာတိ ‘‘တံ ကိံ မညထ၊ ဘိက္ခဝေ’’တိအာဒိနာ ပုစ္ဆိတွာ အနုမတိဂ္ဂဟဏဝသေန ဝိနီတာ. သုဝိနီတပရိသာတိ သုခေန ဝိနီတပရိသာ. အနုမတိဂ္ဂဟဏဝသေန ဝိနယနဉှိ န ဒုက္ကရံ ဟောတိ.

ပရိသာသုတ္တဝဏ္ဏနာ နိဋ္ဌိတာ.