၆. ကဋုဝိယသုတ္တဝဏ္ဏနာ

၁၂၉. ဆဋ္ဌေ ဂါဝီနံ ကယဝိက္ကယဝသေန ယောဂေါ ဧတ္ထာတိ ဂေါယောဂေါ၊ ကယဝိက္ကယံ ကရောန္တော ဂါဝီဟိ ယုဇ္ဇန္တိ ဧတ္ထာတိ ဝါ ဂေါယောဂေါ၊ ဂါဝီနံ ဝိက္ကယဋ္ဌာနံ. တတ္ထ ဇာတော ပိလက္ခရုက္ခော ဂေါယောဂပိလက္ခော၊ တသ္မိံ. သမီပတ္ထေ စေတံ ဘုမ္မဝစနံ. တေနာဟ ‘‘ဂါဝီနံ ဝိက္ကယဋ္ဌာနေ ဥဋ္ဌိတပိလက္ခဿ သန္တိကေ’’တိ. ရိတ္တော အဿာဒေါ ဧတဿာတိ ရိတ္တဿာဒေါ. တေနာဟ ‘‘ဈာနသုခါဘာဝေန ရိတ္တဿာဒ’’န္တိ. သေသမေတ္ထ ဥတ္တာနမေဝ.

ကဋုဝိယသုတ္တဝဏ္ဏနာ နိဋ္ဌိတာ.