၂. သမုဒယသုတ္တံ

၄၀၈. ‘‘စတုန္နံ၊ ဘိက္ခဝေ၊ သတိပဋ္ဌာနာနံ သမုဒယဉ္စ အတ္ထင်္ဂမဉ္စ ဒေသေဿာမိ. တံ သုဏာထ. ကော စ၊ ဘိက္ခဝေ၊ ကာယဿ သမုဒယော? အာဟာရသမုဒယာ ကာယဿ သမုဒယော၊ အာဟာရနိရောဓာ ကာယဿ အတ္ထင်္ဂမော. ဖဿသမုဒယာ ဝေဒနာနံ သမုဒယော၊ ဖဿနိရောဓာ ဝေဒနာနံ အတ္ထင်္ဂမော. နာမရူပသမုဒယာ စိတ္တဿ သမုဒယော၊ နာမရူပနိရောဓာ စိတ္တဿ အတ္ထင်္ဂမော. မနသိကာရသမုဒယာ ဓမ္မာနံ သမုဒယော၊ မနသိကာရနိရောဓာ ဓမ္မာနံ အတ္ထင်္ဂမော’’တိ. ဒုတိယံ.