၁၁. တသိနာသုတ္တံ

၁၇၁. ‘‘တိဿော ဣမာ၊ ဘိက္ခဝေ၊ တသိနာ. ကတမာ တိဿော? ကာမတသိနာ၊ ဘဝတသိနာ၊ ဝိဘဝတသိနာ. ဣမာသံ ခေါ၊ ဘိက္ခဝေ၊ တိဿန္နံ တသိနာနံ အဘိညာယ ပရိညာယ ပရိက္ခယာယ ပဟာနာယ။ပေ။ ရာဂဝိနယပရိယောသာနံ ဒေါသဝိနယပရိယောသာနံ မောဟဝိနယပရိယောသာနံ။ပေ။ အမတောဂဓံ အမတပရာယနံ အမတပရိယောသာနံ။ပေ။ နိဗ္ဗာနနိန္နံ နိဗ္ဗာနပေါဏံ နိဗ္ဗာနပဗ္ဘာရံ. ဣမာသံ ခေါ၊ ဘိက္ခဝေ၊ တိဿန္နံ တသိနာနံ အဘိညာယ ပရိညာယ ပရိက္ခယာယ ပဟာနာယ။ပေ။ အယံ အရိယော အဋ္ဌင်္ဂိကော မဂ္ဂေါ ဘာဝေတဗ္ဗော’’တိ. ဧကာဒသမံ.

ဧသနာဝဂ္ဂေါ သတ္တမော.

တဿုဒ္ဒါနံ –

ဧသနာ ဝိဓာ အာသဝေါ၊ ဘဝေါ စ ဒုက္ခတာ ခိလာ၊

မလံ နီဃော စ ဝေဒနာ၊ ဒွေ တဏှာ တသိနာယ စာတိ.