၃-၇. ကူဋာဒိသုတ္တပဉ္စကံ

၁၄၁. ‘‘သေယျထာပိ၊ ဘိက္ခဝေ၊ ကူဋာဂါရဿ ယာ ကာစိ ဂေါပါနသိယော သဗ္ဗာ တာ ကူဋင်္ဂမာ ကူဋနိန္နာ ကူဋသမောသရဏာ၊ ကူဋံ တာသံ အဂ္ဂမက္ခာယတိ၊ ဧဝမေဝ ခေါ၊ ဘိက္ခဝေ။ပေ။ တတိယံ.

၁၄၂. ‘‘သေယျထာပိ၊ ဘိက္ခဝေ၊ ယေ ကေစိ မူလဂန္ဓာ၊ ကာဠာနုသာရိယံ တေသံ အဂ္ဂမက္ခာယတိ၊ ဧဝမေဝ ခေါ၊ ဘိက္ခဝေ။ပေ။ စတုတ္ထံ.

၁၄၃. ‘‘သေယျထာပိ၊ ဘိက္ခဝေ၊ ယေ ကေစိ သာရဂန္ဓာ၊ လောဟိတစန္ဒနံ တေသံ အဂ္ဂမက္ခာယတိ၊ ဧဝမေဝ ခေါ၊ ဘိက္ခဝေ။ပေ။ ပဉ္စမံ.

၁၄၄. ‘‘သေယျထာပိ၊ ဘိက္ခဝေ၊ ယေ ကေစိ ပုပ္ဖဂန္ဓာ၊ ဝဿိကံ တေသံ အဂ္ဂမက္ခာယတိ၊ ဧဝမေဝ ခေါ၊ ဘိက္ခဝေ။ပေ။ ဆဋ္ဌံ.

၁၄၅. ‘‘သေယျထာပိ၊ ဘိက္ခဝေ၊ ယေ ကေစိ ကုဋ္ဋရာဇာနော၊ သဗ္ဗေ တေ ရညော စက္ကဝတ္တိဿ အနုယန္တာ ဘဝန္တိ၊ ရာဇာ တေသံ စက္ကဝတ္တိ အဂ္ဂမက္ခာယတိ၊ ဧဝမေဝ ခေါ၊ ဘိက္ခဝေ။ပေ။ သတ္တမံ.