၂. ဒုက္ကရသုတ္တံ

၃၃၁. ‘‘ကိံ နု ခေါ၊ အာဝုသော သာရိပုတ္တ၊ ဣမသ္မိံ ဓမ္မဝိနယေ ဒုက္ကရ’’န္တိ? ‘‘ပဗ္ဗဇ္ဇာ ခေါ၊ အာဝုသော၊ ဣမသ္မိံ ဓမ္မဝိနယေ ဒုက္ကရာ’’တိ. ‘‘ပဗ္ဗဇိတေန ပနာဝုသော၊ ကိံ ဒုက္ကရ’’န္တိ? ‘‘ပဗ္ဗဇိတေန ခေါ၊ အာဝုသော၊ အဘိရတိ ဒုက္ကရာ’’တိ. ‘‘အဘိရတေန ပနာဝုသော၊ ကိံ ဒုက္ကရ’’န္တိ? ‘‘အဘိရတေန ခေါ၊ အာဝုသော၊ ဓမ္မာနုဓမ္မပ္ပဋိပတ္တိ ဒုက္ကရာ’’တိ. ‘‘ကီဝစိရံ ပနာဝုသော၊ ဓမ္မာနုဓမ္မပ္ပဋိပန္နော ဘိက္ခု အရဟံ အဿာ’’တိ? ‘‘နစိရံ၊ အာဝုသော’’တိ. သောဠသမံ.

(ပုရိမကသဒိသံ ဥဒ္ဒါနံ.)

သာမဏ္ဍကသံယုတ္တံ သမတ္တံ.