၇-၉. အနတ္တဆန္ဒာဒိသုတ္တံ

၁၇၄-၁၇၆. ‘‘ယော၊ ဘိက္ခဝေ၊ အနတ္တာ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော. ကော စ၊ ဘိက္ခဝေ၊ အနတ္တာ? စက္ခု၊ ဘိက္ခဝေ၊ အနတ္တာ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော။ပေ။ ဇိဝှါ အနတ္တာ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော။ပေ။ မနော အနတ္တာ၊ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော. ယော၊ ဘိက္ခဝေ၊ အနတ္တာ တတြ ဝေါ ဆန္ဒော ပဟာတဗ္ဗော၊ ရာဂေါ ပဟာတဗ္ဗော၊ ဆန္ဒရာဂေါ ပဟာတဗ္ဗော’’တိ.