၃၉. အဇ္ဈတ္တပစ္စုပ္ပန္နယဒနိစ္စသုတ္တံ

၂၀၆. ‘‘စက္ခု၊ ဘိက္ခဝေ၊ အနိစ္စံ ပစ္စုပ္ပန္နံ. ယဒနိစ္စံ၊ တံ ဒုက္ခံ. ယံ ဒုက္ခံ၊ တဒနတ္တာ. ယဒနတ္တာ တံ ‘နေတံ မမ၊ နေသောဟမသ္မိ၊ န မေသော အတ္တာ’တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ။ပေ။ ဇိဝှါ အနိစ္စာ ပစ္စုပ္ပန္နာ. ယဒနိစ္စံ၊ တံ ဒုက္ခံ. ယံ ဒုက္ခံ၊ တဒနတ္တာ. ယဒနတ္တာ၊ တံ ‘နေတံ မမ၊ နေသောဟမသ္မိ၊ န မေသော အတ္တာ’တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ။ပေ။ မနော အနိစ္စော ပစ္စုပ္ပန္နော. ယဒနိစ္စံ တံ ဒုက္ခံ. ယံ ဒုက္ခံ တဒနတ္တာ. ယဒနတ္တာ၊ တံ ‘နေတံ မမ၊ နေသောဟမသ္မိ၊ န မေသော အတ္တာ’တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ. ဧဝံ ပဿံ။ပေ။ နာပရံ ဣတ္ထတ္တာယာတိ ပဇာနာတီ’’တိ.