၆. ဒုတိယနတုမှာကံသုတ္တံ

၁၃၉. ‘‘ယံ၊ ဘိက္ခဝေ၊ န တုမှာကံ၊ တံ ပဇဟထ. တံ ဝေါ ပဟီနံ ဟိတာယ သုခါယ ဘဝိဿတိ. ကိဉ္စ၊ ဘိက္ခဝေ၊ န တုမှာကံ? ရူပါ၊ ဘိက္ခဝေ၊ န တုမှာကံ၊ တေ ပဇဟထ. တေ ဝေါ ပဟီနာ ဟိတာယ သုခါယ ဘဝိဿန္တိ. သဒ္ဒါ။ ဂန္ဓာ။ ရသာ။ ဖောဋ္ဌဗ္ဗာ။ ဓမ္မာ န တုမှာကံ၊ တေ ပဇဟထ. တေ ဝေါ ပဟီနာ ဟိတာယ သုခါယ ဘဝိဿန္တိ. သေယျထာပိ၊ ဘိက္ခဝေ၊ ယံ ဣမသ္မိံ ဇေတဝနေ။ပေ။ ဧဝမေဝ ခေါ၊ ဘိက္ခဝေ၊ ရူပါ န တုမှာကံ၊ တေ ပဇဟထ. တေ ဝေါ ပဟီနာ ဟိတာယ သုခါယ ဘဝိဿန္တီ’’တိ. ဆဋ္ဌံ.