၁၁. ဗာဟိရဒုက္ခဟေတုသုတ္တံ

၁၄၄. ‘‘ရူပါ၊ ဘိက္ခဝေ၊ ဒုက္ခာ. ယောပိ ဟေတု၊ ယောပိ ပစ္စယော ရူပါနံ ဥပ္ပါဒါယ၊ သောပိ ဒုက္ခော. ဒုက္ခသမ္ဘူတာ၊ ဘိက္ခဝေ၊ ရူပါ ကုတော သုခါ ဘဝိဿန္တိ! သဒ္ဒါ။ ဂန္ဓာ။ ရသာ။ ဖောဋ္ဌဗ္ဗာ။ ဓမ္မာ ဒုက္ခာ. ယောပိ ဟေတု၊ ယောပိ ပစ္စယော ဓမ္မာနံ ဥပ္ပါဒါယ၊ သောပိ ဒုက္ခော. ဒုက္ခသမ္ဘူတာ၊ ဘိက္ခဝေ၊ ဓမ္မာ ကုတော သုခါ ဘဝိဿန္တိ! ဧဝံ ပဿံ။ပေ။ ‘ခီဏာ ဇာတိ၊ ဝုသိတံ ဗြဟ္မစရိယံ၊ ကတံ ကရဏီယံ၊ နာပရံ ဣတ္ထတ္တာယာ’တိ ပဇာနာတီ’’တိ. ဧကာဒသမံ.