၂. အဇ္ဈတ္တဒုက္ခသုတ္တံ

၂. ‘‘စက္ခုံ၊ ဘိက္ခဝေ၊ ဒုက္ခံ. ယံ ဒုက္ခံ တဒနတ္တာ၊ ယဒနတ္တာ တံ ‘နေတံ မမ၊ နေသောဟမသ္မိ၊ န မေသော အတ္တာ’တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ. သောတံ ဒုက္ခံ။ပေ။ ဃာနံ ဒုက္ခံ။ ဇိဝှါ ဒုက္ခာ။ ကာယော ဒုက္ခော။ မနော ဒုက္ခော. ယံ ဒုက္ခံ တဒနတ္တာ၊ ယဒနတ္တာ တံ ‘နေတံ မမ၊ နေသောဟမသ္မိ၊ န မေသော အတ္တာ’တိ ဧဝမေတံ ယထာဘူတံ သမ္မပ္ပညာယ ဒဋ္ဌဗ္ဗံ. ဧဝံ ပဿံ။ပေ။ နာပရံ ဣတ္ထတ္တာယာတိ ပဇာနာတီ’’တိ. ဒုတိယံ.