၉. ဓာတုသုတ္တံ

၃၃၀. သာဝတ္ထိနိဒါနံ. ‘‘ယော၊ ဘိက္ခဝေ၊ ပထဝီဓာတုယာ ဆန္ဒရာဂေါ၊ စိတ္တဿေသော ဥပက္ကိလေသော. ယော အာပေါဓာတုယာ။ ယော တေဇောဓာတုယာ။ ယော ဝါယောဓာတုယာ။ ယော အာကာသဓာတုယာ။ ယော ဝိညာဏဓာတုယာ ဆန္ဒရာဂေါ၊ စိတ္တဿေသော ဥပက္ကိလေသော. ယတော ခေါ၊ ဘိက္ခဝေ၊ ဘိက္ခုနော ဣမေသု ဆသု ဌာနေသု စေတသော ဥပက္ကိလေသော ပဟီနော ဟောတိ၊ နေက္ခမ္မနိန္နဉ္စဿ စိတ္တံ ဟောတိ. နေက္ခမ္မပရိဘာဝိတံ စိတ္တံ ကမ္မနိယံ ခါယတိ၊ အဘိညာ သစ္ဆိကရဏီယေသု ဓမ္မေသူ’’တိ. နဝမံ.