၂. ရူပသုတ္တံ

၃၂၃. သာဝတ္ထိနိဒါနံ. ‘‘ယော၊ ဘိက္ခဝေ၊ ရူပေသု ဆန္ဒရာဂေါ၊ စိတ္တဿေသော ဥပက္ကိလေသော. ယော သဒ္ဒေသု။ ယော ဂန္ဓေသု။ ယော ရသေသု။ ယော ဖောဋ္ဌဗ္ဗေသု။ ယော ဓမ္မေသု ဆန္ဒရာဂေါ၊ စိတ္တဿေသော ဥပက္ကိလေသော. ယတော ခေါ၊ ဘိက္ခဝေ၊ ဘိက္ခုနော ဣမေသု ဆသု ဌာနေသု စေတသော ဥပက္ကိလေသော ပဟီနော ဟောတိ၊ နေက္ခမ္မနိန္နဉ္စဿ စိတ္တံ ဟောတိ. နေက္ခမ္မပရိဘာဝိတံ စိတ္တံ ကမ္မနိယံ ခါယတိ၊ အဘိညာ သစ္ဆိကရဏီယေသု ဓမ္မေသူ’’တိ. ဒုတိယံ.