၂၈-၃၄. ဝုဋ္ဌာနမူလကကလ္လိတသုတ္တာဒိသတ္တကံ

၆၈၉-၆၉၅. သာဝတ္ထိနိဒါနံ. ‘‘စတ္တာရောမေ၊ ဘိက္ခဝေ၊ ဈာယီ. ကတမေ စတ္တာရော? ဣဓ၊ ဘိက္ခဝေ၊ ဧကစ္စော ဈာယီ သမာဓိသ္မိံ ဝုဋ္ဌာနကုသလော ဟောတိ၊ န သမာဓိသ္မိံ ကလ္လိတကုသလော။ သမာဓိသ္မိံ ကလ္လိတကုသလော ဟောတိ၊ န သမာဓိသ္မိံ ဝုဋ္ဌာနကုသလော။ နေဝ သမာဓိသ္မိံ ဝုဋ္ဌာနကုသလော ဟောတိ၊ န စ သမာဓိသ္မိံ ကလ္လိတကုသလော။ သမာဓိသ္မိံ ဝုဋ္ဌာနကုသလော စ ဟောတိ သမာဓိသ္မိံ ကလ္လိတကုသလော စ. တတြ၊ ဘိက္ခဝေ၊ ယွာယံ ဈာယီ။ပေ။ ဥတ္တမော စ ပဝရော စာ’’တိ. အဋ္ဌဝီသတိမံ. (ပုရိမမူလကာနိ ဝိယ ယာဝ စတုတ္တိံသတိမာ ဝုဋ္ဌာနမူလကသပ္ပါယကာရီသုတ္တာ သတ္တ သုတ္တာနိ ပူရေတဗ္ဗာနိ. ဝုဋ္ဌာနမူလကံ.)