၁၄. သမာပတ္တိမူလကအာရမ္မဏသုတ္တံ

၆၇၅. သာဝတ္ထိနိဒါနံ. ‘‘စတ္တာရောမေ၊ ဘိက္ခဝေ၊ ဈာယီ. ကတမေ စတ္တာရော? ဣဓ၊ ဘိက္ခဝေ၊ ဧကစ္စော ဈာယီ သမာဓိသ္မိံ သမာပတ္တိကုသလော ဟောတိ၊ န သမာဓိသ္မိံ အာရမ္မဏကုသလော. ဣဓ ပန၊ ဘိက္ခဝေ၊ ဧကစ္စော ဈာယီ သမာဓိသ္မိံ အာရမ္မဏကုသလော ဟောတိ၊ န သမာဓိသ္မိံ သမာပတ္တိကုသလော. ဣဓ ပန၊ ဘိက္ခဝေ၊ ဧကစ္စော ဈာယီ နေဝ သမာဓိသ္မိံ သမာပတ္တိကုသလော ဟောတိ၊ န စ သမာဓိသ္မိံ အာရမ္မဏကုသလော. ဣဓ ပန၊ ဘိက္ခဝေ၊ ဧကစ္စော ဈာယီ သမာဓိသ္မိံ သမာပတ္တိကုသလော စ ဟောတိ၊ သမာဓိသ္မိံ အာရမ္မဏကုသလော စ. တတြ။ပေ။ ပဝရော စာ’’တိ. စုဒ္ဒသမံ.