၆-၁၀. ရူပအဒဿနာဒိသုတ္တပဉ္စကံ

၆၁၂-၆၁၆. သာဝတ္ထိနိဒါနံ. ဧကမန္တံ နိသိန္နော ခေါ ဝစ္ဆဂေါတ္တော ပရိဗ္ဗာဇကော ဘဂဝန္တံ ဧတဒဝေါစ – ‘‘ကော နု ခေါ၊ ဘော ဂေါတမ၊ ဟေတု၊ ကော ပစ္စယော၊ ယာနိမာနိ အနေကဝိဟိတာနိ ဒိဋ္ဌိဂတာနိ လောကေ ဥပ္ပဇ္ဇန္တိ – သဿတော လောကောတိ ဝါ၊ အသဿတော လောကောတိ ဝါ။ပေ။ နေဝ ဟောတိ န န ဟောတိ တထာဂတော ပရံ မရဏာတိ ဝါ’’တိ? ရူပေ ခေါ၊ ဝစ္ဆ၊ အဒဿနာ။ပေ။ ရူပနိရောဓဂါမိနိယာ ပဋိပဒါယ အဒဿနာ။ပေ။ ဝေဒနာယ ။ သညာယ ။ သင်္ခါရေသု ခေါ၊ ဝစ္ဆ၊ အဒဿနာ။ပေ။ ဝိညာဏေ ခေါ၊ ဝစ္ဆ၊ အဒဿနာ။ပေ။ ဝိညာဏနိရောဓဂါမိနိယာ ပဋိပဒါယ အဒဿနာ။ပေ။. ဒသမံ.