၉. သဟေတုအနတ္တသုတ္တံ

၂၀. သာဝတ္ထိနိဒါနံ. ‘‘ရူပံ၊ ဘိက္ခဝေ၊ အနတ္တာ. ယောပိ ဟေတု ယောပိ ပစ္စယော ရူပဿ ဥပ္ပါဒါယ၊ သောပိ အနတ္တာ. အနတ္တသမ္ဘူတံ၊ ဘိက္ခဝေ၊ ရူပံ ကုတော အတ္တာ ဘဝိဿတိ! ဝေဒနာ အနတ္တာ။ သညာ အနတ္တာ။ သင်္ခါရာ အနတ္တာ။ ဝိညာဏံ အနတ္တာ. ယောပိ ဟေတု ယောပိ ပစ္စယော ဝိညာဏဿ ဥပ္ပါဒါယ၊ သောပိ အနတ္တာ. အနတ္တသမ္ဘူတံ၊ ဘိက္ခဝေ၊ ဝိညာဏံ ကုတော အတ္တာ ဘဝိဿတိ! ဧဝံ ပဿံ။ပေ။ နာပရံ ဣတ္ထတ္တာယာတိ ပဇာနာတီ’’တိ. နဝမံ.