၁၀. ကုမ္ဘဏ္ဍသုတ္တံ

၂၁၁. ‘‘ဣဓာဟံ၊ အာဝုသော၊ ဂိဇ္ဈကူဋာ ပဗ္ဗတာ ဩရောဟန္တော အဒ္ဒသံ ကုမ္ဘဏ္ဍံ ပုရိသံ ဝေဟာသံ ဂစ္ဆန္တံ. သော ဂစ္ဆန္တောပိ တေဝ အဏ္ဍေ ခန္ဓေ အာရောပေတွာ ဂစ္ဆတိ. နိသီဒန္တောပိ တေသွေဝ အဏ္ဍေသု နိသီဒတိ. တမေနံ ဂိဇ္ဈာပိ ကာကာပိ ကုလလာပိ အနုပတိတွာ အနုပတိတွာ ဝိတစ္ဆေန္တိ ဝိရာဇေန္တိ. သော သုဒံ အဋ္ဋဿရံ ကရောတိ။ပေ။ ဧသော၊ ဘိက္ခဝေ၊ သတ္တော ဣမသ္မိံယေဝ ရာဇဂဟေ ဂါမကူဋကော အဟောသိ။ပေ။. ဒသမံ.

ပဌမော ဝဂ္ဂေါ.

တဿုဒ္ဒါနံ –

အဋ္ဌိ ပေသိ ဥဘော ဂါဝဃာတကာ၊

ပိဏ္ဍော သာကုဏိယော နိစ္ဆဝေါရဗ္ဘိ၊

အသိ သူကရိကော သတ္တိမာဂဝိ၊

ဥသု ကာရဏိကော သူစိ သာရထိ၊

ယော စ သိဗ္ဗိယတိ သူစကော ဟိ သော၊

အဏ္ဍဘာရိ အဟု ဂါမကူဋကောတိ.