၃. ဝိညာဏသုတ္တံ

၁၉၀. သာဝတ္ထိယံ ဝိဟရတိ။ပေ။ ‘‘တံ ကိံ မညသိ၊ ရာဟုလ၊ စက္ခုဝိညာဏံ နိစ္စံ ဝါ အနိစ္စံ ဝါ’’တိ? ‘‘အနိစ္စံ၊ ဘန္တေ’’။ပေ။ ‘‘သောတဝိညာဏံ။ပေ။ ဃာနဝိညာဏံ။ ဇိဝှါဝိညာဏံ။ ကာယဝိညာဏံ။ မနောဝိညာဏံ နိစ္စံ ဝါ အနိစ္စံ ဝါ’’တိ? ‘‘အနိစ္စံ၊ ဘန္တေ’’ ။ပေ။ ‘‘ဧဝံ ပဿံ၊ ရာဟုလ၊ သုတဝါ အရိယသာဝကော စက္ခုဝိညာဏသ္မိမ္ပိ နိဗ္ဗိန္ဒတိ။ပေ။ သောတဝိညာဏသ္မိမ္ပိ နိဗ္ဗိန္ဒတိ။ ဃာနဝိညာဏသ္မိမ္ပိ နိဗ္ဗိန္ဒတိ။ ဇိဝှါဝိညာဏသ္မိမ္ပိ နိဗ္ဗိန္ဒတိ။ ကာယဝိညာဏသ္မိမ္ပိ နိဗ္ဗိန္ဒတိ။ မနောဝိညာဏသ္မိမ္ပိ နိဗ္ဗိန္ဒတိ၊ နိဗ္ဗိန္ဒံ ဝိရဇ္ဇတိ။ပေ။ ပဇာနာတီ’’တိ. တတိယံ.