၂. ရူပသုတ္တံ

၁၈၉. သာဝတ္ထိယံ ဝိဟရတိ။ပေ။ ‘‘တံ ကိံ မညသိ၊ ရာဟုလ၊ ရူပါ နိစ္စာ ဝါ အနိစ္စာ ဝါ’’တိ? ‘‘အနိစ္စာ၊ ဘန္တေ’’။ပေ။ သဒ္ဒါ။ ဂန္ဓာ။ ရသာ။ ဖောဋ္ဌဗ္ဗာ။ ဓမ္မာ နိစ္စာ ဝါ အနိစ္စာ ဝါတိ? ‘‘အနိစ္စာ၊ ဘန္တေ’’။ပေ။ ‘‘ဧဝံ ပဿံ၊ ရာဟုလ၊ သုတဝါ အရိယသာဝကော ရူပေသုပိ နိဗ္ဗိန္ဒတိ။ သဒ္ဒေသုပိ နိဗ္ဗိန္ဒတိ။ ဂန္ဓေသုပိ နိဗ္ဗိန္ဒတိ။ ရသေသုပိ နိဗ္ဗိန္ဒတိ။ ဖောဋ္ဌဗ္ဗေသုပိ နိဗ္ဗိန္ဒတိ။ ဓမ္မေသုပိ နိဗ္ဗိန္ဒတိ၊ နိဗ္ဗိန္ဒံ ဝိရဇ္ဇတိ။ပေ။ ပဇာနာတီ’’တိ. ဒုတိယံ.