၄. ဒီဃလောမိကသုတ္တံ

၁၆၀. သာဝတ္ထိယံ ဝိဟရတိ။ပေ။ ‘‘ဒါရုဏော၊ ဘိက္ခဝေ၊ လာဘသက္ကာရသိလောကော။ပေ။ အဓိဂမာယ. သေယျထာပိ၊ ဘိက္ခဝေ၊ ဒီဃလောမိကာ ဧဠကာ ကဏ္ဋကဂဟနံ ပဝိသေယျ. သာ တတြ တတြ သဇ္ဇေယျ၊ တတြ တတြ ဂယှေယျ [ဂစ္ဆေယျ (သီ.)၊ ဂဏှေယျ (သျာ. ကံ. ပီ. က.)]၊ တတြ တတြ ဗဇ္ဈေယျ၊ တတြ တတြ အနယဗျသနံ အာပဇ္ဇေယျ. ‘ဧဝမေဝ ခေါ၊ ဘိက္ခဝေ၊ ဣဓေကစ္စော ဘိက္ခု လာဘသက္ကာရသိလောကေန အဘိဘူတော ပရိယာဒိဏ္ဏစိတ္တော ပုဗ္ဗဏှသမယံ နိဝါသေတွာ ပတ္တစီဝရမာဒါယ ဂါမံ ဝါ နိဂမံ ဝါ ပိဏ္ဍာယ ပဝိသတိ. သော တတြ တတြ သဇ္ဇတိ၊ တတြ တတြ ဂယှတိ၊ တတြ တတြ ဗဇ္ဈတိ၊ တတြ တတြ အနယဗျသနံ အာပဇ္ဇတိ. ဧဝံ ဒါရုဏော ခေါ၊ ဘိက္ခဝေ၊ လာဘသက္ကာရသိလောကော။ပေ။ ဧဝဉှိ ဝေါ၊ ဘိက္ခဝေ၊ သိက္ခိတဗ္ဗ’’’န္တိ. စတုတ္ထံ.