၄. အလောမဝိမာနဝတ္ထု
၇၁၁. ‘‘အဘိက္ကန္တေန ဝဏ္ဏေန၊ ယာ တွံ တိဋ္ဌသိ ဒေဝတေ၊
ဩဘာသေန္တီ ဒိသာ သဗ္ဗာ၊ ဩသဓီ ဝိယ တာရကာ.
၇၁၂. ‘‘ကေန တေတာဒိသော ဝဏ္ဏော။ပေ။
ဝဏ္ဏော စ တေ သဗ္ဗဒိသာ ပဘာသတီ’’တိ.
၇၁၄. သာ ဒေဝတာ အတ္တမနာ။ပေ။ ယဿ ကမ္မဿိဒံ ဖလံ.
၇၁၅. ‘‘အဟဉ္စ ဗာရာဏသိယံ၊ ဗုဒ္ဓဿာဒိစ္စဗန္ဓုနော၊
အဒါသိံ သုက္ခကုမ္မာသံ၊ ပသန္နာ သေဟိ ပါဏိဘိ.
၇၁၆. ‘‘သုက္ခာယ အလောဏိကာယ စ၊ ပဿ ဖလံ ကုမ္မာသပိဏ္ဍိယာ၊
အလောမံ သုခိတံ ဒိသွာ၊ ကော ပုညံ န ကရိဿတိ.
၇၁၇. ‘‘တေန မေတာဒိသော ဝဏ္ဏော။ပေ။ ဝဏ္ဏော စ မေ သဗ္ဗဒိသာ ပဘာသတီ’’တိ.
အလောမဝိမာနံ စတုတ္ထံ.