၁၀. ပဌမဘိက္ခာဒါယိကာဝိမာနဝတ္ထု

၂၇၀. ‘‘အဘိက္ကန္တေန ဝဏ္ဏေန၊ ယာ တွံ တိဋ္ဌသိ ဒေဝတေ၊

ဩဘာသေန္တီ ဒိသာ သဗ္ဗာ၊ ဩသဓီ ဝိယ တာရကာ.

၂၇၁. ‘‘ကေန တေတာဒိသော ဝဏ္ဏော။ပေ။ဝဏ္ဏော စ တေ သဗ္ဗဒိသာ ပဘာသတီ’’တိ.

၂၇၃. သာ ဒေဝတာ အတ္တမနာ။ပေ။ ယဿ ကမ္မဿိဒံ ဖလံ.

၂၇၄. ‘‘အဟံ မနုဿေသု မနုဿဘူတာ၊ ပုရိမာယ ဇာတိယာ မနုဿလောကေ.

၂၇၅. ‘‘အဒ္ဒသံ ဝိရဇံ ဗုဒ္ဓံ၊ ဝိပ္ပသန္နမနာဝိလံ၊

တဿ အဒါသဟံ ဘိက္ခံ၊ ပသန္နာ သေဟိ ပါဏိဘိ.

၂၇၆. ‘‘တေန မေတာဒိသော ဝဏ္ဏော။ပေ။

ဝဏ္ဏော စ မေ သဗ္ဗဒိသာ ပဘာသတီ’’တိ.

ပဌမဘိက္ခာဒါယိကာဝိမာနံ ဒသမံ.