၅. ဥဗ္ဗိရိထေရီဂါထာ

၅၁. ‘‘အမ္မ ဇီဝါတိ ဝနမှိ ကန္ဒသိ၊ အတ္တာနံ အဓိဂစ္ဆ ဥဗ္ဗိရိ၊

စုလ္လာသီတိသဟဿာနိ [စူဠာသီတိသဟဿာနိ (သီ.)]၊ သဗ္ဗာ ဇီဝသနာမိကာ၊

ဧတမှာဠာဟနေ ဒဍ္ဎာ၊ တာသံ ကမနုသောစသိ.

၅၂. ‘‘အဗ္ဗဟီ [အဗ္ဗုတီ (သျာ.)၊ အဗ္ဗုဠှံ (က.)] ဝတ မေ သလ္လံ၊ ဒုဒ္ဒသံ ဟဒယဿိတံ [ဟဒယနိဿိတံ (သီ. သျာ.)]၊

ယံ မေ သောကပရေတာယ၊ ဓီတုသောကံ ဗျပါနုဒိ.

၅၃. ‘‘သာဇ္ဇ အဗ္ဗူဠှသလ္လာဟံ၊ နိစ္ဆာတာ ပရိနိဗ္ဗုတာ၊

ဗုဒ္ဓံ ဓမ္မဉ္စ သံဃဉ္စ၊ ဥပေမိ သရဏံ မုနိ’’န္တိ.

။ ဥဗ္ဗိရီ ထေရီ။.