၁၂. ဓမ္မဒိန္နာထေရီဂါထာ

၁၂. ‘‘ဆန္ဒဇာတာ အဝသာယီ၊ မနသာ စ ဖုဋာ [ဖုဋ္ဌာ (သျာ.)၊ ဖုဌာ (သီ. အဋ္ဌ.)] သိယာ၊

ကာမေသု အပ္ပဋိဗဒ္ဓစိတ္တာ [အပ္ပဋိဗန္ဓစိတ္တာ (က.)]၊ ဥဒ္ဓံသောတာတိ ဝုစ္စတီ’’တိ [ဥဒ္ဓံသောတာ ဝိမုစ္စတီတိ (သီ. ပီ.)].

။ ဓမ္မဒိန္နာ ထေရီ။.

၁၃. ‘‘ကရောထ ဗုဒ္ဓသာသနံ၊ ယံ ကတွာ နာနုတပ္ပတိ၊

ခိပ္ပံ ပါဒါနိ ဓောဝိတွာ၊ ဧကမန္တေ နိသီဒထာ’’တိ.

။ ဝိသာခါ ထေရီ။.

၁၄. ‘‘ဓာတုယော ဒုက္ခတော ဒိသွာ၊ မာ ဇာတိံ ပုနရာဂမိ၊

ဘဝေ ဆန္ဒံ ဝိရာဇေတွာ၊ ဥပသန္တာ စရိဿသီ’’တိ.

။ သုမနာ ထေရီ။.