၁၀. ကဏှဒိန္နတ္ထေရဂါထာ

၁၇၉. ‘‘ဥပါသိတာ သပ္ပုရိသာ၊ သုတာ ဓမ္မာ အဘိဏှသော၊

သုတွာန ပဋိပဇ္ဇိဿံ၊ အဉ္ဇသံ အမတောဂဓံ.

၁၈၀. ‘‘ဘဝရာဂဟတဿ မေ သတော၊ ဘဝရာဂေါ ပုန မေ န ဝိဇ္ဇတိ၊

န စာဟု န စ မေ ဘဝိဿတိ၊ န စ မေ ဧတရဟိ ဝိဇ္ဇတီ’’တိ.

။ ကဏှဒိန္နော ထေရော။.

ဝဂ္ဂေါ တတိယော နိဋ္ဌိတော.

တဿုဒ္ဒါနံ –

ဥတ္တရော ဘဒ္ဒဇိတ္ထေရော၊ သောဘိတော ဝလ္လိယော ဣသိ၊

ဝီတသောကော စ ယော ထေရော၊ ပုဏ္ဏမာသော စ နန္ဒကော၊

ဘရတော ဘာရဒွါဇော စ၊ ကဏှဒိန္နော မဟာမုနီတိ.