၁၁. ပါဋလိပုတ္တပေတဝတ္ထု
၇၉၃. ‘‘ဒိဋ္ဌာ တယာ နိရယာ တိရစ္ဆာနယောနိ၊
ပေတာ အသုရာ အထဝါပိ မာနုသာ ဒေဝါ၊ သယမဒ္ဒသ ကမ္မဝိပါကမတ္တနော၊
နေဿာမိ တံ ပါဋလိပုတ္တမက္ခတံ၊ တတ္ထ ဂန္တွာ ကုသလံ ကရောဟိ ကမ္မံ’’.
၇၉၄. ‘‘အတ္ထကာမောသိ မေ ယက္ခ၊ ဟိတကာမောသိ ဒေဝတေ၊
ကရောမိ တုယှံ ဝစနံ၊ တွံသိ အာစရိယော မမ.
၇၉၅. ‘‘ဒိဋ္ဌာ မယာ နိရယာ တိရစ္ဆာနယောနိ၊ ပေတာ အသုရာ အထဝါပိ မာနုသာ ဒေဝါ၊
သယမဒ္ဒသံ ကမ္မဝိပါကမတ္တနော၊ ကာဟာမိ ပုညာနိ အနပ္ပကာနီ’’တိ.
ပါဋလိပုတ္တပေတဝတ္ထု ဧကာဒသမံ.