၇. ကူပင်္ဂပဉှော

၇. ‘‘ဘန္တေ နာဂသေန၊ ‘ကူပဿ ဧကံ အင်္ဂံ ဂဟေတဗ္ဗ’န္တိ ယံ ဝဒေသိ၊ ကတမံ တံ ဧကံ အင်္ဂံ ဂဟေတဗ္ဗ’’န္တိ? ‘‘ယထာ၊ မဟာရာဇ၊ ကူပေါ ရဇ္ဇုဉ္စ ဝရတ္တဉ္စ လင်္ကာရဉ္စ ဓာရေတိ၊ ဧဝမေဝ ခေါ၊ မဟာရာဇ၊ ယောဂိနာ ယောဂါဝစရေန သတိသမ္ပဇညသမန္နာဂတေန ဘဝိတဗ္ဗံ၊ အဘိက္ကန္တေ ပဋိက္ကန္တေ အာလောကိတေ ဝိလောကိတေ သမိဉ္ဇိတေ ပသာရိတေ သင်္ဃာဋိပတ္တစီဝရဓာရဏေ အသိတေ ပီတေ ခါယိတေ သာယိတေ ဥစ္စာရပဿာဝကမ္မေ ဂတေ ဌိတေ နိသိန္နေ သုတ္တေ ဇာဂရိတေ ဘာသိတေ တုဏှီဘာဝေ သမ္ပဇာနကာရိနာ ဘဝိတဗ္ဗံ. ဣဒံ၊ မဟာရာဇ၊ ကူပဿ ဧကံ အင်္ဂံ ဂဟေတဗ္ဗံ. ဘာသိတမ္ပေတံ၊ မဟာရာဇ၊ ဘဂဝတာ ဒေဝါတိဒေဝေန ‘သတော၊ ဘိက္ခဝေ၊ ဘိက္ခု ဝိဟရေယျ သမ္ပဇာနော၊ အယံ ဝေါ အမှာကံ အနုသာသနီ’’’တိ.

ကူပင်္ဂပဉှော သတ္တမော.