၅. ဧကသညကတ္ထေရအပဒါနံ

၁၈. ‘‘ခဏ္ဍော နာမာသိ နာမေန၊ ဝိပဿိဿဂ္ဂသာဝကော၊

ဧကာ ဘိက္ခာ မယာ ဒိန္နာ၊ လောကာဟုတိပဋိဂ္ဂဟေ.

၁၉. ‘‘တေန စိတ္တပ္ပသာဒေန၊ ဒွိပဒိန္ဒ နရာသဘ၊

ဒုဂ္ဂတိံ နာဘိဇာနာမိ၊ ဧကဘိက္ခာယိဒံ ဖလံ.

၂၀. ‘‘စတ္တာလီသမှိတော ကပ္ပေ၊ ဝရုဏော နာမ ခတ္တိယော၊

သတ္တရတနသမ္ပန္နော၊ စက္ကဝတ္တီ မဟဗ္ဗလော.

၂၁. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဧကသညကော ထေရော ဣမာ ဂါထာယော အဘာသိတ္ထာတိ.

ဧကသညကတ္ထေရဿာပဒါနံ ပဉ္စမံ.