၂. ပဒသညကတ္ထေရအပဒါနံ

၅. ‘‘အက္ကန္တဉ္စ ပဒံ ဒိသွာ၊ တိဿဿာဒိစ္စဗန္ဓုနော၊

ဟဋ္ဌော ဟဋ္ဌေန စိတ္တေန၊ ပဒေ စိတ္တံ ပသာဒယိံ.

၆. ‘‘ဒွေနဝုတေ ဣတော ကပ္ပေ၊ ယံ သညမလဘိံ တဒါ၊

ဒုဂ္ဂတိံ နာဘိဇာနာမိ၊ ပဒသညာယိဒံ ဖလံ.

၇. ‘‘ဣတော သတ္တမကေ ကပ္ပေ၊ သုမေဓော နာမ ခတ္တိယော၊

သတ္တရတနသမ္ပန္နော၊ စက္ကဝတီ မဟဗ္ဗလော.

၈. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ပဒသညကော ထေရော ဣမာ ဂါထာယော အဘာသိတ္ထာတိ.

ပဒသညကတ္ထေရဿာပဒါနံ ဒုတိယံ.