၃. ဗုဒ္ဓသညကတ္ထေရအပဒါနံ
၉. ‘‘ဒုမဂ္ဂေ ပံသုကူလိကံ၊ လဂ္ဂံ ဒိသွာန သတ္ထုနော၊
တတော တမဉ္ဇလိံ ကတွာ၊ ပံသုကူလံ အဝန္ဒဟံ.
၁၀. ‘‘ဒွေနဝုတေ ဣတော ကပ္ပေ၊ ယံ ကမ္မမကရိံ တဒါ၊
ဒုဂ္ဂတိံ နာဘိဇာနာမိ၊ ဗုဒ္ဓသညာယိဒံ ဖလံ.
၁၁. ‘‘ဣတော စတုတ္ထကေ ကပ္ပေ၊ ဒုမသာရောသိ ခတ္တိယော၊
စာတုရန္တော ဝိဇိတာဝီ၊ စက္ကဝတ္တီ မဟဗ္ဗလော.
၁၂. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.
ဣတ္ထံ သုဒံ အာယသ္မာ ဗုဒ္ဓသညကော ထေရော ဣမာ ဂါထာယော အဘာသိတ္ထာတိ.
ဗုဒ္ဓသညကတ္ထေရဿာပဒါနံ တတိယံ.