၆. သပရိဝါရာသနတ္ထေရအပဒါနံ

၄၃. ‘‘ပဒုမုတ္တရဗုဒ္ဓဿ၊ ပိဏ္ဍပါတံ အဒါသဟံ၊

ဂန္တွာ ကိလိဋ္ဌကံ ဌာနံ [တံ ဘောဇနဋ္ဌာနံ (သီ.)]၊ မလ္လိကာဟိ ပရိက္ခိတံ [ပရိက္ခိပိံ (သီ.)].

၄၄. ‘‘တမှာသနမှိ အာသီနော၊ ဗုဒ္ဓေါ လောကဂ္ဂနာယကော၊

အကိတ္တယိ ပိဏ္ဍပါတံ၊ ဥဇုဘူတော သမာဟိတော.

၄၅. ‘‘ယထာပိ ဘဒ္ဒကေ ခေတ္တေ၊ ဗီဇံ အပ္ပမ္ပိ ရောပိတံ၊

သမ္မာ ဓာရံ ပဝေစ္ဆန္တေ၊ ဖလံ တောသေတိ ကဿကံ.

၄၆. ‘‘တထေဝါယံ ပိဏ္ဍပါတော၊ သုခေတ္တေ ရောပိတော တယာ၊

ဘဝေ နိဗ္ဗတ္တမာနမှိ၊ ဖလံ တေ [နိဗ္ဗတ္တမာနံ ဟိ၊ ဖလတော (သီ.)] တောသယိဿတိ [တပ္ပယိဿတိ (က.)].

၄၇. ‘‘ဣဒံ ဝတွာန သမ္ဗုဒ္ဓေါ၊ ဇလဇုတ္တမနာမကော၊

ပိဏ္ဍပါတံ ဂဟေတွာန၊ ပက္ကာမိ ဥတ္တရာမုခေါ.

၄၈. ‘‘သံဝုတော ပါတိမောက္ခသ္မိံ၊ ဣန္ဒြိယေသု စ ပဉ္စသု၊

ပဝိဝေကမနုယုတ္တော၊ ဝိဟရာမိ အနာသဝေါ.

၄၉. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ သပရိဝါရာသနော ထေရော ဣမာ ဂါထာယော အဘာသိတ္ထာတိ.

သပရိဝါရာသနတ္ထေရဿာပဒါနံ ဆဋ္ဌံ.