၄. အဝဋဖလိယတ္ထေရအပဒါနံ

၅၇. ‘‘သဟဿရံသီ ဘဂဝါ၊ သယမ္ဘူ အပရာဇိတော၊

ဝိဝေကာ ဥဋ္ဌဟိတွာန၊ ဂေါစရာယာဘိနိက္ခမိ.

၅၈. ‘‘ဖလဟတ္ထော အဟံ ဒိသွာ၊ ဥပဂစ္ဆိံ နရာသဘံ၊

ပသန္နစိတ္တော သုမနော၊ အဝဋံ အဒဒိံ ဖလံ.

၅၉. ‘‘စတုန္နဝုတိတော ကပ္ပေ၊ ယံ ဖလံ အဒဒိံ တဒါ၊

ဒုဂ္ဂတိံ နာဘိဇာနာမိ၊ ဖလဒါနဿိဒံ ဖလံ.

၆၀. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၆၁. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၆၂. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ အဝဋဖလိယော ထေရော ဣမာ ဂါထာယော

အဘာသိတ္ထာတိ.

အဝဋဖလိယတ္ထေရဿာပဒါနံ စတုတ္ထံ.