၅. ပါဒဖလိယတ္ထေရအပဒါနံ

၆၃. ‘‘သုဝဏ္ဏဝဏ္ဏံ သမ္ဗုဒ္ဓံ၊ အာဟုတီနံ ပဋိဂ္ဂဟံ၊

ရထိယံ ပဋိပဇ္ဇန္တံ၊ ပါဒဖလံ [ဝါရဖလံ (သီ.)၊ စာရဖလံ (သျာ.)၊ ပါရဖလံ (ပီ.)] အဒါသဟံ.

၆၄. ‘‘ဧကနဝုတိတော ကပ္ပေ၊ ယံ ဖလံ အဒဒိံ တဒါ၊

ဒုဂ္ဂတိံ နာဘိဇာနာမိ၊ ဖလဒါနဿိဒံ ဖလံ.

၆၅. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၆၆. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၆၇. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ပါဒဖလိယော ထေရော ဣမာ ဂါထာယော

အဘာသိတ္ထာတိ.

ပါဒဖလိယတ္ထေရဿာပဒါနံ ပဉ္စမံ.