၈. သုမနတာလဝဏ္ဋိယတ္ထေရအပဒါနံ

၄၃. ‘‘သိဒ္ဓတ္ထဿ ဘဂဝတော၊ တာလဝဏ္ဋမဒါသဟံ၊

သုမနေဟိ ပဋိစ္ဆန္နံ၊ ဓာရယာမိ မဟာရဟံ.

၄၄. ‘‘စတုန္နဝုတိတော ကပ္ပေ၊ တာလဝဏ္ဋမဒါသဟံ၊

ဒုဂ္ဂတိံ နာဘိဇာနာမိ၊ တာလဝဏ္ဋဿိဒံ ဖလံ.

၄၅. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၄၆. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၄၇. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ သုမနတာလဝဏ္ဋိယော ထေရော ဣမာ ဂါထာယော အဘာသိတ္ထာတိ.

သုမနတာလဝဏ္ဋိယတ္ထေရဿာပဒါနံ အဋ္ဌမံ.