၅. သတ္တပဏ္ဏိယတ္ထေရအပဒါနံ

၂၈. ‘‘သုမနော နာမ သမ္ဗုဒ္ဓေါ၊ ဥပ္ပဇ္ဇိ လောကနာယကော၊

ပသန္နစိတ္တော သုမနော၊ သတ္တပဏ္ဏိမပူဇယိံ.

၂၉. ‘‘သတသဟဿိတော ကပ္ပေ၊ သတ္တပဏ္ဏိမပူဇယိံ၊

ဒုဂ္ဂတိံ နာဘိဇာနာမိ၊ သတ္တပဏ္ဏိပူဇာယိဒံ [သတ္တပဏ္ဏိဿိဒံ (သီ.)] ဖလံ.

၃၀. ‘‘ကိလေသာ ဈာပိတာ မယှံ။ပေ။ ဝိဟရာမိ အနာသဝေါ.

၃၁. ‘‘သွာဂတံ ဝတ မေ အာသိ။ပေ။ ကတံ ဗုဒ္ဓဿ သာသနံ.

၃၂. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ သတ္တပဏ္ဏိယော ထေရော ဣမာ ဂါထာယော အဘာသိတ္ထာတိ.

သတ္တပဏ္ဏိယတ္ထေရဿာပဒါနံ ပဉ္စမံ.