၂. ကက္ကာရုပုပ္ဖိယတ္ထေရအပဒါနံ

၅. ‘‘ယာမာ ဒေဝါ ဣဓာဂန္တွာ၊ ဂေါတမံ သိရိဝစ္ဆသံ၊

ကက္ကာရုမာလံ [ဂေါက္ခနုမာလံ (သီ.)] ပဂ္ဂယှ၊ ဗုဒ္ဓဿ အဘိရောပယိံ.

၆. ‘‘ဒွေနဝုတေ ဣတော ကပ္ပေ၊ ယံ ဗုဒ္ဓမဘိပူဇယိံ၊

ဒုဂ္ဂတိံ နာဘိဇာနာမိ၊ ဗုဒ္ဓပူဇာယိဒံ ဖလံ.

၇. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ကက္ကာရုပုပ္ဖိယော [ဂေါက္ခနုပုပ္ဖိယော (က.)] ထေရော ဣမာ ဂါထာယော အဘာသိတ္ထာတိ.

ကက္ကာရုပုပ္ဖိယတ္ထေရဿာပဒါနံ ဒုတိယံ.