၄. တိကိင်္ကဏိပူဇကတ္ထေရအပဒါနံ
၂၇. ‘‘ဟိမဝန္တဿာဝိဒူရေ၊ ဘူတဂဏော နာမ ပဗ္ဗတော၊
တတ္ထဒ္ဒသံ ပံသုကူလံ၊ ဒုမဂ္ဂမှိ ဝိလဂ္ဂိတံ.
၂၈. ‘‘တီဏိ ကိင်္ကဏိပုပ္ဖါနိ၊ ဩစိနိတွာနဟံ တဒါ၊
ဟဋ္ဌော ဟဋ္ဌေန စိတ္တေန၊ ပံသုကူလံ အပူဇယိံ.
၂၉. ‘‘ဧကတ္တိံသေ ဣတော ကပ္ပေ၊ ယံ ကမ္မမကရိံ တဒါ၊
ဒုဂ္ဂတိံ နာဘိဇာနာမိ၊ တိဏ္ဏံ ပုပ္ဖါနိဒံ ဖလံ.
၃၀. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.
ဣတ္ထံ သုဒံ အာယသ္မာ တိကိင်္ကဏိပူဇကော ထေရော ဣမာ ဂါထာယော အဘာသိတ္ထာတိ.
တိကိင်္ကဏိပူဇကတ္ထေရဿာပဒါနံ စတုတ္ထံ.