၇. သဒ္ဒသညကတ္ထေရအပဒါနံ

၃၄. ‘‘သုဒဿနော မဟာဝီရော၊ ဒေသေတိ အမတံ ပဒံ၊

ပရိဝုတော သာဝကေဟိ၊ ဝသတိ ဃရမုတ္တမေ.

၃၅. ‘‘တာယ ဝါစာယ မဓုရာယ၊ သင်္ဂဏှာတိ [သင်္ဂဏှန္တေ (သီ.)] မဟာဇနံ၊

ဃောသော စ ဝိပုလော အာသိ၊ အာသီသော [အာသံသော (သီ.)] ဒေဝမာနုသေ.

၃၆. ‘‘နိဂ္ဃေါသသဒ္ဒံ သုတွာန၊ သိဒ္ဓတ္ထဿ မဟေသိနော၊

သဒ္ဒေ စိတ္တံ ပသာဒေတွာ၊ အဝန္ဒိံ လောကနာယကံ.

၃၇. ‘‘စတုန္နဝုတိတော ကပ္ပေ၊ ယံ သညမလဘိံ တဒါ၊

ဒုဂ္ဂတိံ နာဘိဇာနာမိ၊ ဗုဒ္ဓသညာယိဒံ ဖလံ.

၃၈. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ သဒ္ဒသညကော ထေရော ဣမာ ဂါထာယော အဘာသိတ္ထာတိ.

သဒ္ဒသညကတ္ထေရဿာပဒါနံ သတ္တမံ.