၉. ဗုဒ္ဓသညကတ္ထေရအပဒါနံ

၄၃. ‘‘ဥဒေန္တံ သတရံသိံဝ၊ ပီတရံသိံဝ ဘာဏုမံ၊

ဝနန္တရဂတံ သန္တံ၊ လောကဇေဋ္ဌံ နရာသဘံ.

၄၄. ‘‘အဒ္ဒသံ သုပိနန္တေန၊ သိဒ္ဓတ္ထံ လောကနာယကံ၊

တတ္ထ စိတ္တံ ပသာဒေတွာ၊ သုဂတိံ ဥပပဇ္ဇဟံ.

၄၅. ‘‘စတုန္နဝုတိတော ကပ္ပေ၊ ယံ သညမလဘိံ တဒါ၊

ဒုဂ္ဂတိံ နာဘိဇာနာမိ၊ ဗုဒ္ဓသညာယိဒံ ဖလံ.

၄၆. ‘‘ပဋိသမ္ဘိဒါ စတဿော။ပေ။ ကတံ ဗုဒ္ဓဿ သာသနံ’’.

ဣတ္ထံ သုဒံ အာယသ္မာ ဗုဒ္ဓသညကော ထေရော ဣမာ ဂါထာယော အဘာသိတ္ထာတိ.

ဗုဒ္ဓသညကတ္ထေရဿာပဒါနံ နဝမံ.